CAMPOTAMASO

On pugnéto de case cucià soto ‘l monte
na Ciesa lustra ma crepà,
el par da lontan on’agnaro de chéca
lassà in meso al prà.
Geloso, Turij che struca l’océto
con on ragio de sole,
e tegnendo Ciampera stréta a braséto,
el manda xo on’aria gentile
pal siòro e pal poaréto.
Marana, dal’alto la varda orgogliosa
sto bel panorama,
e supiando la nibia che speso se posa,
mostra la cima bianca de neve
bela come na sposa.
In tel bosco i osei canta de gioia
vardando l’agnaro,
la bolpe so la Val del Boia,
la dorme pasùa rento la tana
in meso la foia.
Xe festa!... el caro Pievàn passa pregando.
Core Marino a far din, don, dan…
e le campane sona a distesa,
parà con le man.

Finco Subioto

Riporto qui una poesia dedicata a Campotamaso, tratta dal numero uno del giornalino “TAMASOnews”.

Potrei aggiungerci la traduzione e le varie note, e forse un giorno lo farò. Ma per ora la lascio così, priva di ogni altro corbezzolo, pronta per essere gustata in tutta la sua luminosità